MASMUR 90:10 - BIBEL JAMITA NA DENGGAN

¹⁰ Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

MASMUR 90:10 ပူးပေါင်းရင်းမြစ်များ

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

2 SAMUEL 19:36

Nada patut au manjagit upa na songon i godangna. Hum manaruhon raja i nada pala saotik nari tu bariba ni Batang aek Jordan on sajo noma lungun ni rohangku.

1 RAJA-RAJA 1:1

Madung tobang situtu Raja Daud. Haru pe dilehen disia ulos sian abit na hapal, sai tongtong do ia ngalian.

JOB 14:10

Hape mate jolma i, abis ma parsorionna; marujung ma ngolunia, gabe tu dia noma kehena?

JOB 20:8

Mago ma ia songon sura-suraan ni nipi mago boti songon parnidaan di borngin ni ari.

JOB 24:24

Santongkin do ia masonang, hape dung salpu i kehe ma ia sapanjang. Malos ma ia songon ruput na so marguna; songon burir ni eme na nisabi sian bonana.

JOB 5:7

Nada! Tapi sian jolma sajo do, na mangalapi tu dirina hamamagona, na songon gurasa na mamuretek sian apina.

MASMUR 78:39

Diingot Ia do halahi hum parsantongkinan do, songon alogo na ro jana kehe sajo.

JESAYA 38:12

Tos ma hosangku, dapot ma ajalku, songon undung-undung ni parmahan na dibungkar; songon abit na nigotap sian partonunanna; huambang paujungon ni Tuhan ma ngoluniba.

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

PANGARATAION 34:7

Marumur ma si Musa saratus dua pulu taon di na marujung ngolunia. Nada surut gogonia jana parnidaannia pe laing tajom do.

JAKOBUS 4:14

hape nada diboto hamu sanga aha na giot masa ancogot di ngolumunu. Aha ma he hosamunu i? Na songon timus sajo do ho, tarida santongkin sajo, dung i manigor mago.”

JOSUA 14:11

hape laing gogo dope songon di hatiha na nisuru ni si Musa au na salpu i. Laing tuk dope gogongku laho marporang sanga pe mambaen bagi aha sajo.