MASMUR 9:9 - BIBEL JAMITA NA DENGGAN

⁹ Tuhan do parondingan ni halak na nidondonan, inganan parlojongan di hatiha hasusaan.

MASMUR 9:9 ပူးပေါင်းရင်းမြစ်များ

1 JUJUR TAON 16:33

Marsurahi ma angka hayu harangan. Marjop ni roha halahi di adopan ni Tuhan, muda ro Ia mamarenta tano on.

MASMUR 108:12

Urupi ma hami maradopkon alonami, angke nada marguna anggo sian jolma pangurupi.

MASMUR 142:4

Manatap au tu siamun dohot tu siambirang, umpe rumang adong huida bantuan. Nada adong na mangondingi au, sanga nada adong na parduli tu au.

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

MASMUR 20:1

Sai dialusi Tuhan ma ho dihatiha hasusaan, sai Debata ni si Jakob ma mangalehen di ho parondingan.

MASMUR 32:7

Ho do inganan parsimonjapanku, diondingi Ho do iba sian mara. Gabe marsurak ma au hara ni moga ni roha, dibaen dipalua Ho do antong iba.

MASMUR 37:39

Dipalua Tuhan do halak na daulat jana diondihon do halahi di hamamasa ni hasusaan.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

MASMUR 48:3

Pandok ni Debata, sonang do rap dohot Ia, di bagasan angka benteng ni kotaNia.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

MASMUR 67:5

Ale Debata, sai dipuji angka bangso ma Ho, sai sude ma bangso mandok tarimakasi tu Ho.

MASMUR 7:9

Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 32:2

Tarsongon inganan parondingan sian alogo jana songon parlinggoman sian bade. Tudos tu batang aek na mardalan di parhorsihan do halahi, songon batu mamak na godang parsilaungan di tano na harsang.

JESAYA 8:14

Dibaen na sun badia do Au, gabe batu partuktuhan ma Au di rayat ni Juda, Israel dohot Jerusalem. Songon tirangkap do Au na giot manangkup halahi.

NAHUM 1:7

Na denggan do Tuhan i, ditolong Ia do bangsoNia taran marhasusaan, dijagohon Ia do halak na marsihohot tuSia,

LUKAS 13:34

O ale Jerusalem, Jerusalem! Dibunu ho do angka panurirang dohot angka na nisuru tu ho, didangguri ho dohot batu! Madung jotjot sai giot paluhutonKu sude halak na mangingani ho songon sada inang ni manuk na manggobak angka anakna di toru ni habongna, hape nada ra hamu!

PANGARATAION 33:27

Sai tongtong do Debata na gabe pambelamunu; tanganNa na so ra mantak i panungkolmunu. Dipaorot Ia musu sian jolomunu, disuru Ia ho mangaropuk sude alomu.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.