MASMUR 9:19 - BIBEL JAMITA NA DENGGAN

¹⁹ Jongjong ma Ho Tuhan, uhumi ma angka bangso parbegu, ulang padiar jolma i paginjang roha.

MASMUR 9:19 ပူးပေါင်းရင်းမြစ်များ

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

2 JUJUR TAON 14:11

Jadi martangiang ma si Asa tu Tuhan Debatania, “Tuhan, hum Ho do na tarbaen mangurupi na gale maradopkon na gogo. Urupi ma hami saonnari, ale Tuhan Debatanami! Marpangunsandean tu Ho do hami jana mangasahon goarMu haruar ma hami marporang mangalo pasukan na santak bahat on. Tuhan, Ho do Debatanami. Ulang ma padiar diriMu ditaluhon sada jolma.”

MASMUR 10:12

Jongjong ma Ho Tuhan, uhumi ma halak parjahat, ulang halupahon halak na marsak.

MASMUR 149:7

laho manaluhon angka bangso, jana manguhumisa;

MASMUR 3:7

Palua ma da au ale Tuhan Debatangku, uhumi jana taluhon ma sude angka musungku.

MASMUR 44:23

Ngot ma Ho! Biasi sai modom Ho, ale Tuhan? Jongjong ma Ho! Ulang tulak hami sapanjang.

MASMUR 44:26

Ro ma da Ho mangurupi hami, palua ma hami, angke manongtong do holong ni rohaMi.

MASMUR 7:6

O Tuhan jongjong ma Ho di bagasan rimasMu, alo ma panggosa ni musungku. Jongjong ma Ho jana urupi ma au, angke Ho do na manjalaki hatigoran.

MASMUR 79:6

Palalu ma rimasMu maradopkon angka bangso na so mananda Ho, dohot maradopkon angka harajaan na so martangiang tu Ho.

MASMUR 80:2

Patangkas ma kuasoMu di adopan ni Efraim, Benyamin dohot Manase, jana ro ma Ho antong paluahon hami.

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JEREMIA 10:25

Tu angka na manghudukkon Ho ma, palalu parpiar ni murukMu dohot tu na so marsomba tu joloMu. Angke madung diabisi halahi sude pomparan ni si Jakob jana na mangaroncohon tano ni halahi.

JOEL 3:12

Didok Tuhan dope, “Angkon markobas do angka bangso lalu kehe tu Rura Josafat. Disi ma uhumanKu angka bangso, Au Tuhan manguhumi hombar balok ni bangsongKi.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

ZAKARIA 14:18

Jana muda nada ra halak Mesir manghagodangkon Pesta Undung-undung Bulung Rata i, gabe hona ma tu halahi nyae na niparo ni Tuhan tu ganop bangso na so ra kehe marsomba.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

1 SAMUEL 2:9

Halak na tigor do na sai sonang di bagasan pangaramotion ni Tuhan. Tapi anggo na jahat sai na sarsar do i mago di bagasan hagolapan na marimpot-impot. Gogona sandiri so tarpangasahon, so tarlehen gogo ni jolma hamonangan.