MASMUR 9:1 - BIBEL JAMITA NA DENGGAN

¹ Sian sasude roha hudok tarimakasi tu Ho, Tuhan. Giot paboaonku ma angka pambaenanMu na pahomangkon roha.

MASMUR 9:1 ပူးပေါင်းရင်းမြစ်များ

1 JUJUR TAON 16:12

O hamu pomparan ni si Jakob, angka naposo ni Debata! ale pomparan ni si Israel, bangso na nipiliNia! Ingot ma hahomangan na nibaen ni Debata, patulus hamu ma angka parentaNia.

1 JUJUR TAON 16:24

Paboa hamu tu angka bangso hagodanganNia, hagogoonNa tu jolma manusia.

MASMUR 106:2

Ise do na tarbaen mamaritahon hagodangan ni pambaenanNia, dohot mangalehen puji-pujian na patut diSia?

MASMUR 111:1

Sian sandok rohangku, sai mandok tarimakasi do au tu Tuhan di tonga-tonga ni parpunguan ni bangsoNa.

MASMUR 138:1

Sai giot mandok tarimakasi do au tu Ho, ale Tuhan, sian sude rohangku. Di jolo ni sude debata, huendehon puji-pujian di Ho.

MASMUR 26:7

lalu mangendehon ende tarimakasi, dohot pabotohon pambaenanMu na godang i.

MASMUR 51:15

Urupi ma au mandok hata, ale Tuhan, jadi gabe pujionku ma Ho.

MASMUR 7:17

Giot mandok tarimakasi au tu Tuhan, jana mamuji goar ni Tuhan Na Gumincat.

MASMUR 86:12

Giot martarimakasi do rohangku tu Ho, sian sandok rohangku. Ale Tuhan Debatangku, salolot-lolotna hupuji ma goarMu.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

JESAYA 12:1

Dapot do hatihana marende angka jolma: “O Tuhan, mandok tarimakasi do au tu adopanMu, hara ni na niadopanMu au. Najolo muruk do Ho tu au, hape saonnari madung mombun rohaMu.

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”

JESAYA 60:6

Marroan bahat unto tu tanomu, sian Midian dohot Efa angka i marroan. Sian Seba dioban halak sere dohot hamonyan, lalu mamuji pambaenan ni Tuhan.

LUKAS 10:27

Mangalusi ma bayo i, “Angkon holong do rohamu di Tuhan Debatamu sian sandok ate-atemu, sian sandok rohamu, sian sude gogomu, dohot sian sandok pikiranmu. Jana, angkon holong do rohamu di donganmu jolma songon pangkaholongimu di dirimu sandiri.”

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.