MASMUR 89:3 - BIBEL JAMITA NA DENGGAN

³ Ningmu do, “Madung Hupudun janji dohot halak na Hupili, madung marsumpa Au tu si Daud, naposongKi:

MASMUR 89:3 ပူးပေါင်းရင်းမြစ်များ

2 SAMUEL 23:5

Laing songon i ma pomparanku pasupasuon ni Debata, janjiNia tu au nada muba, hot tongtong jana sanggam janjiNia taratur do i di sasudena. Debata do na mangalehen au monang jana na mambaen dijagit sude pangidoan.

2 SAMUEL 3:9

Sai dimatehon Debata ma au, jana lumobi sian i, anggo so hudalankon janji ni Debata na tu si Daud i,

MASMUR 132:11

Mardongan sumpa do dijanjihon Ho tu si Daud, jana nada tarihonMu be janjiMi mangulahi. NingMu do, “Sada sian anakmu baenonKu gabe raja; ia ma manggontihon ho marhabangsa.

MASMUR 78:70

Dipili Ia naposoNia si Daud dibuatkon Ia sian padang na marruput.

MASMUR 89:19

Narobi di bagasan sada parnidaan, didok Ho tu naposoMu na setia, “Madung Huurupi sada halak na tongam, madung Hupatimbo sada halak sian tonga-tonga ni na bahat.

MASMUR 89:28

Holong ni rohangKu nada mansadi, parjanjianKu dohot ia sai hot do i Hugohi.

MASMUR 89:39

Sundat dibaen Ho parjanjianMu dohot naposoMu, diambungkon Ho tukuna i tu bagasan bustak.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JESAYA 55:3

Tangihon ma ale bangsongKu, ro ma hamu tu Au, tangihon ma, anso mangolu hamu. Hara ni holong ni rohangKu na togu tu si Daud, naposongKi, Hupudun janji na hot dohot hamu.

JEREMIA 30:9

Mangoloi noma halahi tu Au Tuhan Debata ni halahi, dohot tu sada halak sian pomparan ni si Daud na giot angkatonKu gabe raja.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

IBRANI 7:21

Tapi anggo Ia mamake sumpa do i di na niangkat Ia gabe Malim, di na nidok ni Debata tuSia, “Madung marsumpa Tuhan, jana na so ubaonNia be di na nidokNia i, ‘Ho do Malim salolot-lolotna.’ ”

HAKIM-HAKIM 2:1

Kehe ma Surusuruan Ni Tuhan sian Gilgal tu Bokim jana didok ma tu angka halak Israel, “Madung Huparuar hamu sian Mesir jana Huoban hamu tu tano na dung Hujanjihon tu ompungmunu. Madung Hudok muse, ‘Nada gotapkononKu pudun-pudun ni janji antara Au dohot hamu.