MASMUR 89:2 - BIBEL JAMITA NA DENGGAN

² Dibaen manongtong do holong ni rohaMu songon langit, hot do habonaranMu.

MASMUR 89:2 ပူးပေါင်းရင်းမြစ်များ

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

NEHEMIA 9:17

Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

NEHEMIA 9:31

Tapi hara ni holong ni rohaMu na so marparsuhatan, nada halahi ditadingkon Ho sanga dironcohon. Tutu ma da antong, Ho do Debata na so marpartudosan; na godang holong ni rohaMu, gok paribo ni rohaan!

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

MASMUR 119:89

Tuhan, salolot-lolotna do marlaku hataMu, di banua ginjang sapanjangna.

MASMUR 146:6

Ia do na manompa langit, tano dohot laut maradu isina, na tontong setia ro di salolot ni lolotna.

MASMUR 36:5

O Tuhan, sagincat ni langit holongMu na manongtong i, jana haburjuonMu manyalpui angka ombun i.

MASMUR 40:11

Tuhan, huboto do na so ra mantak Ho manghaholongi au; holong dohot hadengganan ni rohaMu sai i do na giot mangondihon au.

MASMUR 42:1

Songon ursa na manghalungunkon batang aek, songon i do tondingku manghalungunkon Ho, ale Debatangku.

MASMUR 89:37

Tohong do harajaannia salolot-lolotna songon bulan, saksi na bonar di awang-awang.”

MASMUR 89:5

Ale Tuhan, dipuji na marlagut di banua ginjang i do karejoMu na godang i, hasetiaonMu diendehon angka pardibanua ginjang.

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

LUKAS 1:50

Sian sundut tu sundut do holong ni rohaNia maradopkon halak na mabiar tuSia.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.