MASMUR 88:16 - BIBEL JAMITA NA DENGGAN

¹⁶ Magopu au patunda ni parpiar ni murukMu, abis au hara ni jorbut ni panyarosoMu.

MASMUR 88:16 ပူးပေါင်းရင်းမြစ်များ

JOB 30:15

Na jorbut noma manggohi rohangku, songon pangombus ni alogo, salpu ma argangku na mangolu i; songon ombun na mamolus, mago ma sian au moga ni roha i.

MASMUR 102:10

Muruk jana rimas Ho, ale Tuhan, gabe diangkat Ho au jana disampakkon Ho.

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

MASMUR 89:46

O Tuhan sadia honok nari Ho martabuni? Intap ni andigan murukMu marsigorgor songon api?

MASMUR 90:11

Ise unjung manghilalahon hasogenon ni rimasMu? Ise umboto akibat ni murukMu?

MASMUR 90:7

Tarsonggot hami dibaen murukMu, maropuk pambaen ni murukMu.

JESAYA 53:8

Ditahan do ia jana didabu uhuman, lalu hona oban tu panyambolan. Nada adong na parduli di bagiannia. Tutu do, mago ma ia sian tano ni halak na mangolu; gabe ia hona pukul hara ni dosa ni bangsongKu.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

HALUMBAAN 6:17

Dibaen madung ro ari haririmas ni halahi, ise ma he na tarbaen manaon i lakna? Jana umpe adong sahalak na tarbaen manahan di jolo ni halahi!”