MASMUR 86:9 - BIBEL JAMITA NA DENGGAN

⁹ Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

MASMUR 86:9 ပူးပေါင်းရင်းမြစ်များ

2 JUJUR TAON 6:33

sai tangihon ma sian inganan parmiananMu di banua ginjang i tangiangnia i jana patulus ma pangidoanna i. Jadi laing songon bangsoMu Israel, gabe sude ma bangso na satano on mananda Ho jana burju mangoloi Ho, jana botoonna ma bahaso inganan paribadatan tu Ho do bagas na hubangun on.

MASMUR 102:15

Dihabiari angka bangso noma Tuhan, sandok raja manghabiari kuasoNia,

MASMUR 102:18

Suratkon ma sude na nibaen ni Tuhan, baen di sundut na ro di pudi, anso bolas Ia pujion ni bangso na so tubu dope tu portibi on.

MASMUR 66:4

Sude tano on tunduk marsomba di adopanMu, marende do halahi mamuji goarMu.

MASMUR 67:7

Madung dipasupasu Debata hita, sai sude ma nian na satano on pasangapkon Ia.

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

MASMUR 72:8

Sian laut tu laut mur mabidang ma harajaanna sian Batang aek Efrat lalu tu ujung ni portibi.

JESAYA 11:9

Di sude dolokKu na badia, nada adong na jahat sanga pe mara, gok parbinotoan taringot tu Tuhan ma angka luat, songon aek na manggohi dano mangalantap.

JESAYA 43:7

Angke bangsongKu do halahi na nipanggoarkon tu goarKu, Hutompa halahi laho pasangapkon Au, na Hubaen jana na Hujadihon!”

JESAYA 59:19

Sian Habincaran lalu tu Hasundutan mabiar be noma halak mida Ia hara ni godang ni kuasoNia. Ro ma Ia songon batang aek na doras sanga songon alogo na gogo.

JESAYA 66:23

Ganop Bulan Na Imbaru, ganop Ari Sabat, marroan ma angka jolma sian ganop bangso mardongan sangap, laho manyomba Au di Jerusalem on.

ZEPANYA 3:9

Tapi dung salpu i paubaonKu ma roha ni angka bangso-bangso i gabe martangiang tu Au sajo noma halahi, jana nada be tu angka debata na asing. Oloan ni angka bangso i noma Au.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 15:9

Angke bangso na asing pe dibaen Ia do pasangap Debata hara ni asi ni rohaNia, songon na tarsurat di Buku Na Badia i, “Hara ni i giot pasangaponku noma Ho di tonga-tonga ni angka bangso. jana mangendehon puji-pujian di goarMu.”

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 20:3

Dung i diambungkon surusuruan i ma naga i tu rura hamatean, dikunci ia ma rura i jana dicap ia anso ulang tarbaen naga i be paoto-otohon angka bangso salolot so abis na saribu taon i. Dung salpu i, paluaon dope ia santongkin.