MASMUR 85:2 - BIBEL JAMITA NA DENGGAN

² Madung disesa Ho dosa ni bangsoMu, diampuni Ho sude hasalaanna.

MASMUR 85:2 ပူးပေါင်းရင်းမြစ်များ

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

MASMUR 126:1

Di na nioban ni Tuhan hita mulak tu Jerusalem, songon halak na marnipi do hita!

MASMUR 32:1

Martua ma sanga ise na dung nisesa pangalaosina, jana na nitutupan dosana.

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

BILANGAN 14:19

Saonnari ale Tuhan hara ni holong ni rohaMu jana angkon patulusonMu do janjiMu, pangidoanku sesa ma dosa ni halahi songon na dung niampunanMu halahi, mamungka sian dung ditinggalkon halahi tano Mesir.”

BAENON NI ANGKA RASUL 13:39

jana nipatigor do ganup halak na porsaya diSia. Nada tarpalua hamu markite-hite tona ni si Musa.

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,