MASMUR 82:2 - BIBEL JAMITA NA DENGGAN

² “Sadia lelengnai hamu manguhumi di bagasan hakejamon, jana marpihak hamu tu halak parjahat.

MASMUR 82:2 ပူးပေါင်းရင်းမြစ်များ

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

2 JUJUR TAON 19:7

Angkon mabiar do hamu tu Tuhan jana jamot-jamot hamu mambaen tindakan, dibaen goyak do roha ni Tuhan mida halak na mambaen hageduhan, na martindak borat sabola sanga na manjagit sogok.”

JOB 32:21

Nada adong na huampini di pangalaho on jana sada pe nada adong di au sipujion.

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

MASMUR 62:3

Gabur do au songon tembok na giot marobo; intap ni andigan hamu sai giot mamorangi dohot mamisat au?

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

PODA 18:5

Nada denggan marpihak tu halak na so hasaya jana manahan hatigoran sian halak na so marsala.

JEHESKIEL 45:9

Didok Tuhan Debata i ma, “Tuk ma da angka dosamunu i, ale angka parkuaso ni Israel! Antak hamu ma na mambaen roha-rohamunu i dohot na mamisat rayat i. Baen hamu ma na tigor dohot na sintong. Na so jadi usironmunu be bangsongKu sian tano ni halahi. Au, Tuhan Debata do mamarentahon i tu hamu.

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

GALATIA 2:6

Nian, nada pola adong be angka pangalaho na imbaru ditambai angka halak na tarpandang i – anggo di au nada adong imbar ni i sanga halak na tarpandang halahi sanga nada, harana Debata pe nada siida bohi ni jolma Ia.

PANGARATAION 1:17

Ulang teleng baen hamu haputusan; angkon dos do baenonmunu tu ganop halak panimbangna, ulang pola mangaligi sanga ise halakna i. Ulang habiari hamu sanga na ise pe, angke sian Debata do haroroan ni haputusan na nibaenmunu. Muda adong sada parkaro na mamaoltu di hamu, oban hamu ma i tu au. Anso au mamutuskonsa.’