MASMUR 81:8 - BIBEL JAMITA NA DENGGAN

⁸ Tangihon hamu ma sipaingotKu, ale bangsongKu, Israel, sugari na tutu hamu ra manangihon Au!

MASMUR 81:8 ပူးပေါင်းရင်းမြစ်များ

MASMUR 50:7

“O Israel, giot mandok hata Au; o hamu bangsongKu, tangihon hamu sude ma Au. Giot saksihononKu tu hamu, Au do Debata, Debatamunu.

MASMUR 81:13

Iale tehe, sugari sura ra bangsongKi manangihon hatangKu, sugari ra halahi mangoloi Au,

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 17:7

Digoari ma inganan i Masa, angke di inganan i ma diuji halak Israel Tuhan, di na nisapaan ni halahi, “Rap dope ulaning Tuhan, dohot hita sanga nada?” Laing margoar do inganan i Meriba, angke di inganan i ma marungut-ungut halahi.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

BILANGAN 20:13

Masa do i di Meriba. Di inganan i ma halak Israel marungut-ungut tu Tuhan, jana disi muse ma dipatidahon Tuhan habadiaanNia tu bangso i.

JOHANNES 3:11

Tutu do na Hudok di ho: Na hami boto do na hami hatahon, jana na hami ida do na hami patorang; hape nada ra hamu manjagit na hami dok.

BAENON NI ANGKA RASUL 20:21

Sanga na tu halak Jahudi pe sanga na tu bangso na asing, sai tongtong do hupaingot anso dipauba halahi be rohana sian angka dosa ni halahi jana anso ro mandapotkon Debata bope anso porsaya tu Tuhan Jesus.

PANGARATAION 32:46

didok si Musa ma, “Jagohon hamu ma anso oloi hamu sude parenta na hulehen tu hamu sadari on. Ajarkon hamu ma i tu angka dakdanakmunu, anso dioloi halahi sude pangajaran ni Tuhan i di bagasan haburjuon.

PANGARATAION 5:27

Antong Musa, ho ma kehe laho manangihon sandok na nidok ni Tuhan Debatanta i. Dung salpu i, angkon mulak ho laho palaluhon tu hami sanga aha, na nidokNa i tu ho. Tangi ma hami jana mangoloi.’

1 JOHANNES 5:9

Tahaporsayai do hasaksian ni jolma, tapi gumogo dope hasaksian ni Debata. Jana on ma hasaksian na dung dilehen Debata taringot tu AnakNia i.