MASMUR 81:2 - BIBEL JAMITA NA DENGGAN

² Palu ma tambor, marende ma tangging piltik ma gambus dohot hasapi na mandonting.

MASMUR 81:2 ပူးပေါင်းရင်းမြစ်များ

NEHEMIA 12:42

di pudi ni halahi mardalan ma si Maaseya, si Semaya, si Eleasar, si Usi, si Johanan, si Malkia, si Elam dohot si Eser. Marende ma angka parende na nipimpin ni si Jisrahya.

MASMUR 59:17

Ho do hagogoonku, di Ho ma ende pujianku, angke Ho do Debata, inganan pangungsianku, ale Debata, sai na holong do rohaMu mida au.

MASMUR 92:3

lalu mamiltik gitar sisampulu tali, didongani gambus dohot hasapi.

HARURUAR 15:20

Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

MARKUS 14:26

Dung i diendehon halahi ma sada ende puji-pujian. Torus kehe ma halahi tu Dolok Zetun.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

JAKOBUS 5:13

Muda topet adong na susa sian hamu, martangiang ma ia. Muda adong na marjop ni roha, marende ma ia mamuji Debata.