MASMUR 81:12 - BIBEL JAMITA NA DENGGAN

¹² Gabe Hupadiar noma halahi papir rohana, jana marsibaen roha-rohana.

MASMUR 81:12 ပူးပေါင်းရင်းမြစ်များ

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

2 RAJA-RAJA 18:12

Madabu pe Samaria, hara ni na so mangoloi do angka halak Israel tu Tuhan, Debata ni halahi, digagai halahi parjanjian na nibaen ni Tuhan dohot halahi jana dilanggar halahi sude parenta ni si Musa naposo ni Tuhan i. Nada ra halahi manangihon dohot mangoloi.

NEHEMIA 9:16

Hape siginjang roha do ompunami boti na jogal roha, angka parentaMu nada ra halahi mangoloisa.

JOB 8:4

Betak na mardosa do angka dakdanakmu tuSia, jadi na patut do halahi hona uhumNia.

HARURUAR 11:9

Didok Tuhan ma tu si Musa, “Nada ditangihon raja i hatamu, anso umbahat dope baenonKu tanda hahomangan di Mesir on.”

JESAYA 30:1

Didok Tuhan, “Marjaya ma angka pamimpin ni Juda, patunda ni na mangalo halahi tu Au. Diihutkon halahi angka sangkap na so sian Au. Pardonganon na so nisuru ni tondingKu.

JESAYA 30:9

Hara ni na sai mangalo halahi tu Debata, sai margabus, jana nada jungada ra manangihon pangajaran ni Tuhan.

JESAYA 42:24

Ise do pasahatkon Israel tu na mangarampassa? Tuhan sandiri do, tuSia do hita mardosa. Nada marguru tu parentaNia pardalan ni ngolunta, jana nada taihutkon pangajaranNia.

JEREMIA 42:21

Saonnari madung hupalalu tu hamu tona ni Tuhan Debatanta i, hape nada ra hamu mangoloisa.

JEREMIA 7:24

Hape nada ra halahi manangihon dohot mamparrohahonsa. Tubu-tubu ni roha ni halahi na pir boti na jat i sandiri do dipaihut-ihut halahi. Indada mur dumenggan halahi tapi mur tu jahatna noma.

JEHESKIEL 20:8

Tapi dialo halahi do Au jana nada ditangihon halahi. Nada ra halahi mangambungkon angka patung sihagigian i jana nada ra halahi mantak marsomba tu gana-ganaan ni Mesir i. Dompak disi dope halahi madung hobas Au palalu murukKu tu halahi.

HOSEA 9:17

Tulakkonon ni Debata na huoloi ma bangsoNa i, hara ni na so ra halahi manangihon Ia. Madang-adang noma halahi ditonga-tonga ni angka bangso.

HAMALIMON 26:14

Didok Tuhan ma, “Muda nada dioloi hamu parentangKu uhumonKu ma hamu.

BAENON NI ANGKA RASUL 14:16

Anggo na salpu i dipadiar Debata do angka bangso marsibaen rohana be na mangolu i.

BAENON NI ANGKA RASUL 7:42

Dung i ditadingkon Debata ma halahi jana dipadiar Debata ma halahi manyombai angka bintang na di langit i. Hombar do i tu na tarsurat di buku ni angka panurirang. Songon na tarsurat, ‘Ale hamu halak Israel! Jungada dehe dilehen hamu di Au haul na nitutung sanga haul na nisambol salolot na opat pulu taon di halongonan?

SURAT NI SI PAULUS TU PARLAGUTAN ROM 1:24

Jadi gabe dipadiar Debata noma halahi dirajai hagiot ni roha ni halahi laho mambaen na jat, gabe dipambaeni halahi ma angka pangalaho na pabilehon pamatang ni halahi sama halahi.

1 SAMUEL 8:19

Tapi nada ditangihon bangso i hata ni si Samuel i, mur didok halahi noma, “Padiar ma! Sanga na bia pe por do rohanami marraja.