MASMUR 80:8 - BIBEL JAMITA NA DENGGAN

⁸ Songon bona ni anggur do bangsoMu, na nipaimbarMu sian Mesir. Dipaorot Ho angka bangso na asing gabe disuan Ho anggur i di tano ni halahi.

MASMUR 80:8 ပူးပေါင်းရင်းမြစ်များ

MASMUR 31:17

Pio-pio do au tu Ho Tuhan, ulang padiar au niarsahan. Padiar ma halak na jahat dipaila, jana mijur tu inganan ni na mate so mandok hata.

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 60:3

Dipadiar Ho do hami bangsoMon marnyae na so tartaon, songon halak na mabuk hami marambalan.

MASMUR 78:55

Di jolo ni bangsoNia i dipaorot Ia halak na disi humani lalu dibagi-bagihon Ia luat i tu sude marga ni Israel, bangsoNia i, lopus taringani halahi undung-undung ni musu ni halahi.

JEREMIA 12:10

Bahat do parkuaso na leban na dung mangagohon kobun anggurKu dohot na mandegei angka padangKu. Madung diuba halahi luatKu na jeges i gabe padang halongonan na lungun.

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.

JEHESKIEL 15:6

Jadi hara ni i didok Tuhan Debata i ma, “Songon bona ni anggur na nibuat sian harangan jana ditutung, songon i muse ma giot baenonKu halak Jerusalem!

JEHESKIEL 17:6

Jadi gabe bona ni anggur ma suan-suanan i na toruk partubuna jana sarmak panjururna. Adop rajawali i do angka dangkana i jana uratna i togu do masuk tu bagasan tano i. Sarmak sajo do bona ni anggur i.

JEHESKIEL 19:10

Tudos do indukmu tu bona ni anggur na jeges na tubu di kobun di lambung ni anak ni batang aek. Tubu ia napu boti marbatu hara ni aek na disi lobi so pola marsiadu.

BAENON NI ANGKA RASUL 7:45

Dung i sai dipaoban-oban angka ompunta i ma undung-undung i di na kehe halahi dohot si Josua mangarampas luatta on sian tangan ni angka bangso na niayak ni Debata di jolo ni halahi. Laing disi ma undung-undung i lopus tu hatiha ni si Daud.

JOSUA 13:6

Dohot muse do sude luat ni angka halak Sidon na maringanan di antara ni angka dolok na di Libanon dohot kota Misrefot Maim.” Dung i ninna Tuhan dope tu si Josua, “Muda kehe muse halak Israel mamorangi, paorotonKu ma sude angka bangso i. Jana angkon bagi-bagihononmu do tano i tu halak Israel anso gabe halahi puna, songon na dung Huparentahon tu ho.