MASMUR 80:13 - BIBEL JAMITA NA DENGGAN

¹³ Diugei ma i lopus marsegoan, dohot binatang na di padang-padang pe manjampalisa.

MASMUR 80:13 ပူးပေါင်းရင်းမြစ်များ

2 RAJA-RAJA 17:20

Nada giot Tuhan be sude halak Israel. Diuhum Ia noma halahi jana dipasahat Ia tu angka musu ni halahi ma jungkat, jabat nada diparrohahon be halahi, tapi dibuang noma halahi sian tano na nilehenNia di halahi.

MASMUR 89:42

Dilehen Ho hamonangan tu musuna, dipajop Ho roha ni halahi sudena.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 52:7

Dirorak musu i ma tembok ni kota i. Di borngin i, haru pe laing dihobuk halak Babel kota i, marsilojongkon dirina ma angka tentara ni Juda sabola tu Rura Jordan. Mamolus sian kobun ni bagas godang ma halahi, luncat sian horbangan na padomuhon tembok na dua i di inganan i.

JEHESKIEL 19:12

Hape diumpat tangan na muruk ia lalu disampakkon tu tano noma. Mangombus ma alogo Habincaran, mambaen malos batuna taran hajegesanna. Masopak dangkana i gabe mahiang lalu nitutungan.

NAHUM 2:3

Tompa ni parince ni musu, rara, songon mudar dipake baju porangna, Na dung hobas do musu laho manangkup. Tudos tu api, manyirlak bosi ni karetana Panyihal-nyihalon sude kudona.