MASMUR 80:1 - BIBEL JAMITA NA DENGGAN

¹ Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 80:1 ပူးပေါင်းရင်းမြစ်များ

2 SAMUEL 6:2

Dioban ia ma halahi tu Baale-Juda laho mangalap sian i Poti Parjanjian na digoari marhite goar ni Tuhan Na Markuaso na marhabangsa di ginjang ni angka kerub.

2 RAJA-RAJA 19:15

Martangiang ma ia, ning ia, “O Tuhan, Debata ni Israel na maringanan di ginjang ni angka kerub, hum sasada Ho do Debata na mamarenta sandok harajaan di sisik ni tano on. Ho do na manjadihon langit dohot tano.

JOB 10:3

Aha ma labona muda iba dipisat Ho songon on, jana muda diambungkon Ho suha ni karejoMon? Aha ma he na ro muda dihobuk Ho pandapot dohot tahi ni parjahat i?

MASMUR 45:1

Dituturi angka hata na denggan do au; hupatomu-tomu do ende on di raja. Tarsongon pulpen panggurit ni sada panyurat na somal marhata madung singkop dilangku pajojor umpama.

MASMUR 5:1

Ale Tuhan, tangihon ma angka hatangku, parrohahon ma angka holso ni rohangku.

MASMUR 50:1

Mangkuling ma Tuhan, Debata Na Markuaso i; pio-pio ma Ia tu sude portibion sian Habincaran lopus tu Hasundutan.

MASMUR 50:2

Sian Sion, kota na jumeges, marsinondang Debata maradu torang.

MASMUR 55:1

Ale Debata, tangihon ma tangiangku, ulang mandao Ho sian pangidoanku.

MASMUR 60:1

Di bagasan hamumurukMu diponggol Ho do partahanannami, jana nada ra Ho ale Debata rap dohot hami. Tapi anggo saonnari, mulak ma Ho tu hami.

MASMUR 69:1

Ale Debata, palua ma au, maliput aek lalu tu tolonanku.

MASMUR 77:20

Songon parmahan diiring-iring Ho bangsoMu, na nipimpin ni si Musa dohot si Harun.

MASMUR 78:52

Jadi diuluhon Ia ma bangsoNia songon habanan ni biri-biri, mangiring halahi mamolus padang halongonan i.

MASMUR 78:67

Ditulak Ia pomparan ni si Josep, nada dipuldit Ia Marga Efraim.

MASMUR 80:19

Ale Tuhan Debata Na Markuaso pasuang ma hami, hara ni habasaonMu, tatap ma hami gabe malua ma hami.

MASMUR 80:3

Pasuang ma hami ale Debata; hara ni habasaonMu, tatap ma hami, jadi gabe malua ma hami.

MASMUR 80:7

Ale Debata Na Markuaso pasuang hami; tatap ma hami hara ni habasaonMi, jadi gabe malua ma hami.

MASMUR 94:1

Ale Debata, Ho do Debata na mambaloskon, patuduhon ma pamalosonMi ale Debata!

MASMUR 99:1

Raja do Tuhan, marhabangsa di ginjang ni kerub; humitir angka bangso portibi pe lumalo-lalo.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 60:1

Jongjong ma ho, marsinondang ma ho, madung ro sinondang ni haluaanmu! Disondangi Debata ho marhite hamulianNa.

JESAYA 63:11

Jadi gabe tarsunggul ma tu roha ni halahi hatiha narobian; hatiha ni si Musa, naposo ni Tuhan i. Marsapa ma halahi, “Di dia do Ia, na manogu-nogu angka pamimpinta mamolus laut? Di dia do Tuhan na mangalehen kuasoNia tu si Musa?

JEHESKIEL 1:13

Di tonga-tonga ni mahluk i adong do sada idaon tarsongon sulu na gara manggulot-gulot nada mantak. Manggurasa-gurasa ma api i jana marpistihan ma hilap ni ronggur sian i.

JEHESKIEL 10:4

Dung i manaek ma hamuliaon ni Tuhan sian gincat ni kerub i jana kehe tu gincat ni pintu Bagas Na Badia, gabe gok ombun ma Bagas Na Badia i, jana alamanna pe sun disondangi hamuliaon ni Tuhan.

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

JEHESKIEL 43:2

jana huida ma disi ro sian sabola Habincaran sinondang na marsilo-silo na patandahon haroro ni Debata ni Israel. Tarbege ma sora ni Debata songon laut na gumadobur, jana marlinang-linang ma tano on hara ni sinondang ni haroro ni Debata.

DANIEL 9:17

Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

JOHANNES 10:14

Au do parmahan na denggan. Hutanda do angka biri-biringKu jana ditanda halahi do Au,

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.

1 SAMUEL 4:4

Jadi disuru halahi ma halak tu Silo laho mambuat Poti Parjanjian ni Tuhan i na mangwakili habangsa ni Tuhan Na Markuaso i. Anak ni si Eli na dua i ma, si Hofni dohot si Pinehas na mangudurkon Poti Parjanjian i.