MASMUR 78:72 - BIBEL JAMITA NA DENGGAN

⁷² Bulus do roha ni halahi antong dipimpin ia, marhite tangan na malo halahi, diparmudu-mudu ia.

MASMUR 78:72 ပူးပေါင်းရင်းမြစ်များ

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

1 RAJA-RAJA 15:5

Hara ni na nibaen ni si Daud do pangalaho na pasonangkon roha ni Tuhan umbaen dipatupa Tuhan songon i; nada jungada nayang rohania di angka na niparentahon ni Tuhan, asing sian parkaro na tu si Uria halak Het i.

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

1 RAJA-RAJA 9:4

Muda disomba ho Au mardongan roha na ias songon amamu si Daud jana dioloi ho angka uhum dohot parentangKu,

MASMUR 75:2

Didok Debata, “Di hatiha na Hutontuhon, giot manguhumi Au marhite hatigoran.

JEHESKIEL 34:2

“Ale anak ni jolma, gorahon ma parmahan ni Israel, jana palalu ma sanga aha na Hudok, Au Tuhan Debata mandok tu halahi, ‘Marjaya ma hamu angka parmahan ni Israel. Hum haporluanmunu sajo do disarihon hamu, nada haporluan ni angka biri-birimu.

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

2 TIMOTEUS 2:15

Haburjuhon ma na markarejo i anso dioku Debata ho gabe halak na tama markarejo di Debata. Parayak ma anso ulang jabat maila ho hara ni karejomu, tapi sintong ma ajarkon angka pangajaran na sian Debata.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.