MASMUR 78:71 - BIBEL JAMITA NA DENGGAN

⁷¹ Dipiohon do ia sian parmahanan biri-birinia, laho marmahani Israel bangsoNia.

MASMUR 78:71 ပူးပေါင်းရင်းမြစ်များ

PAMUNGKAAN 33:13

Dialusi si Jakob ma, “Diboto ho do da, na gale-gale dope angka dakdanak on, boti angkon laing mataanku do angka pahan-pahanan na manyusu dope. Muda niompot mangayak-ayak anso hipas, hum sadari pe marmatean ma lalu sudena.

2 SAMUEL 20:19

Godang do kota Abelnami on – on ma sada kota na dumame dohot na tigor di tano Israel. Biasi giot roncohonon ni tuan i kota on? Na por dehe rohamu manyegohon tano ni Tuhan?”

2 SAMUEL 24:17

Diida si Daud ma surusuruan i, lalu didok ia ma tu Tuhan, “Au do na mardosa jana au muse do na mambaen hasalaan on. Hapengani aha ma he hasalaan ni bangso na marhancit on? Au ma uhumi dohot hami sabagas!”

2 SAMUEL 5:2

Sian najolo, taran si Saul dope mamarenta hami, laing na raja i do mamimpin rayat ni Israel di parporangan. Boti muse na dung dijanjihon Tuhan do tu raja i, laing na raja i noma na mamimpin bangsona dohot na gabe raja ni halahi.”

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 JUJUR TAON 11:2

Sian najolo, salang dompak si Saul dope raja mamarenta hami, laing na raja i do manguluhon rayat ni Israel marporang. Boti pe na dung marjanji do Tuhan tu raja i paboa na raja i noma na mamimpin halak ni Tuhan dohot na gabe raja ni halahi.”

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

MATEUS 2:6

‘Anggo ho ale Betlehem na di Luat Juda, inda bagi na ummenek ho sian angka kota na tarbonggal di Juda. Angke sian ho do ro sahalak Uluan, na manguluhon bangsongKu Israel.’ ”

1 PETRUS 5:2

anso parmahani hamu punguan ni biri-biri ni Debata na nipasahat tu hamu. Sonang ma rohamunu marmahani halahi songon na nihagiotan ni Debata, ulang ma borat rohamunu. Jana ulang ma hum hara ni na giot manjalahi labo baen hamu, tapi hara ni situtu ni rohamunu ma mangoloi.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia: