MASMUR 78:70 - BIBEL JAMITA NA DENGGAN

⁷⁰ Dipili Ia naposoNia si Daud dibuatkon Ia sian padang na marruput.

MASMUR 78:70 ပူးပေါင်းရင်းမြစ်များ

2 SAMUEL 3:18

Antong aha dope, saonnari ma hatihana di hamu. Ingot hamu ma, na dung marjanji do Tuhan tu si Daud bahaso si Daud do na giot pakeonNia laho paluahon bangsoNa Israel sian halak Pilistin dohot sian sude musuna na asing i.”

2 SAMUEL 6:21

Dialusi si Daud ma, “Manortor pe au na laho pasangapkon Tuhan do, i ma na dung manulak amanta ho maradu koum sisolkotna lalu mamili au gabe pamimpin ni Israel, bangsoNa i. Jadi hara ni i angkon torus do au manortor laho pasangapkon Tuhan i.

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

HARURUAR 3:10

Saonnari Husuru ho anso kehe mangadop tu raja ni Mesir, anso bolas ho manguluhon bangsongKi haruar sian luat i.”

BAENON NI ANGKA RASUL 13:22

Dung i dipaijur Debata ma ia sian juguhannia i, dipabangkit Debata ma si Daud gabe raja ni halahi. Jana on ma na nidok ni Debata tu si Daud, ‘Si Daud anak ni si Isai i do na pasonang rohangKu. Ia do na giot patuluskon hagiotKu.’