MASMUR 78:5 - BIBEL JAMITA NA DENGGAN

⁵ Dilehen Ia do tu Israel angka aturanNia, dohot tu pomparan ni si Jakob parentaNa. Disuru Ia angka ompu na umpompar hita mangajarkonsa tu angka dakdanakna,

MASMUR 78:5 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

MASMUR 119:152

Madung honok huboto angka paraturanMu, dipahot Ho do i anso manongtong salolot-lolotna.

MASMUR 147:19

Dipabolkas Ia tonaNia tu bangsoNia, hatontuan dohot angka parenta tu bangso na nipiliNia.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

MASMUR 81:5

Dilehen do parenta i tu bangso Israel dompak na mangaroro Debata mangalo Mesir. Hubege do sora na so unjung hian dope hubege na salpu i,

HARURUAR 12:27

Alusanmunu ma, ‘On ma da haul Paskah laho pasangapkon Tuhan, angke sude bagas ni halak Israel di Mesir disalpui Ia do, jana dibunu Ia do angka halak Mesir, hape anggo hita dipadiar Ia do mangolu!’ ” Dung i marsinggang ma halak Israel jana marsomba tu Tuhan i.

HARURUAR 25:16

Jadi pamasuk ma tu bagasan poti i batu na dua, panyuratan ni angka parentangKi na giot pasahatonKu tu ho.

HARURUAR 25:21

Pamasuk ma batu panyuratan na dua i tu bagasan poti i, baru ma tutupi sian ginjang dohot tutup pardamean i.

HARURUAR 40:20

Dung i dibuat ia ma batu na dua karambar i jana dipamasuk ia ma i tu Poti Parjanjian. Porsan-porsan ni Poti i disurukkon ia ma tu bagasan golang-golang pamorsananna lalu dipasang ma tutupna di ginjang.

HARURUAR 40:3

Pamasuk ma tu bagasan Bandar Parmianan Poti Parjanjian na marisi Parenta Na Sampulu i lalu pasang ma tire di jolona i.

JESAYA 38:19

Hum jolma na mangolu do na mamuji Ho, songon na hupatupa sadari on. Dibaritahon na matobang tu dakdanakna sanga songon dia burju ni rohaMu.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

SURAT NI SI PAULUS TU PARLAGUTAN ROM 3:2

Tontu bahat do i. Parjolo, harana halahi do hasahatan ni angka hata ni Debata.

EPESUS 6:4

Hamu angka dongan na dung mardakdanak! Ulang ma baen hamu na so patut tu dakdanakmunu anso ulang gabe muruk halahi. Tapi gumonan do ajari hamu halahi di aturan dohot pangajaran ni Tuhan.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

PANGARATAION 31:13

Jadi songon on ma dalanna di angka pomparanmunu na so jungada dope umbege Uhum Ni Tuhan Debatamunu i laho manangihonsa. Jana di na songon i, marsiajar ma halahi mangoloi Tuhan salolot mangolu halahi di tano na so sadia lolot nari be giot buatonmunu di bariba ni Batang aek Jordan.”

PANGARATAION 32:46

didok si Musa ma, “Jagohon hamu ma anso oloi hamu sude parenta na hulehen tu hamu sadari on. Ajarkon hamu ma i tu angka dakdanakmunu, anso dioloi halahi sude pangajaran ni Tuhan i di bagasan haburjuon.

PANGARATAION 4:45

Dilehen ia angka aturan tu halahi dung haruar halahi sian Mesir,

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.