MASMUR 78:4 - BIBEL JAMITA NA DENGGAN

⁴ Nada i giot bunihononta sian angka dakdanakta, tapi pajojoronta do i tu sundut na mangihut taringot tu kuaso ni Tuhan dohot karejoNa na pahomang roha, dohot angka pambaenanNia na so tartangkup roha.

MASMUR 78:4 ပူးပေါင်းရင်းမြစ်များ

JOB 15:18

Madung diajari na bisuk au, taringot tu hasintongan na dung diguruhon ni halahi sian ompu ni halahi.

MASMUR 26:7

lalu mangendehon ende tarimakasi, dohot pabotohon pambaenanMu na godang i.

MASMUR 9:14

Di jolo ni pangisi ni Jerusalem, kota na badia i jongjong au mangendehon pujian. Giot paboaonku sude pambaenanMu, jop rohangku, angke dipalua Ho au.

HARURUAR 12:26

Muda disapai angka dakdanakmunu, ‘Aha dehe astuan ni on?’

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:8

Di parmulaan ni pesta i, angkon baritahononmunu do tu angka dakdanakmunu, dibaen hamu pe sudena i, i ma hara ni sasude na dung dibaen Tuhan tu hamu di na laho maninggalkon tano Mesir hamu.

JESAYA 38:19

Hum jolma na mangolu do na mamuji Ho, songon na hupatupa sadari on. Dibaritahon na matobang tu dakdanakna sanga songon dia burju ni rohaMu.

JOEL 1:3

Caritohon hamu ma na masa i tu angka dakdanakmunu; anso dipalalu halahi muse tu dakdanakna caritomunu i. Sundut na mangihut pe angkon botoonna muse, jana paudutonna tu sundut na di pudina be.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

PANGARATAION 6:7

Ajarkon hamu ma i tu angka dakdanakmunu. Hobar-hobari hamu ma i di bagasan bagasmunu dohot di ruar ni bagas, di na maradian dohot di na markarejo.