MASMUR 78:19 - BIBEL JAMITA NA DENGGAN

¹⁹ Dialo halahi do Debata di na nidok ni halahi, “Margogo ma he lakna Debata mangalehen mangan hita di parhorsihan on?

MASMUR 78:19 ပူးပေါင်းရင်းမြစ်များ

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

2 JUJUR TAON 32:19

Dihatahon halahi ma taringot tu Debata na disomba di Jerusalem dos do i dohot angka debata ni bangso na asing, i ma angka patung na nipauli ni tangan ni jolma.

JOB 34:37

Tamba muse dope sada nari dosa di hasalaannia; mangalo do ia antong tu Debata, jana dipalayas Ia di jolonta.

MASMUR 23:5

Dipasingkop Ho do pesta di au, laing dipaida-ida angka musungku. Dijaluangi Ho do au songon tamu na sangap. Disurduhon Ho dope tu au inumon na tabo maradu marlobian.

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

BILANGAN 11:13

Ligi da, torus do halahi murngis-urngis mangido juhut.

BILANGAN 11:4

Di bagasan pardalanan ni halak Israel i, adong do halak na leban mangihutkon halahi. Malungun situtu do halahi giot mangan juhut, halak Israel pe mamungka ma marungut-ungut. Ninna halahi ma, “Ah, sugari adong ma juhut di hita.

BILANGAN 20:3

lalu marungut-ungut, “Dengganna i antong sugari mate hami di jolo ni Bandar Parmianan Ni Tuhan, rap dohot dongannami sabangso.

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

HALUMBAAN 13:6

Dung i diungkap ia ma pamangannia mangincahi Debata, bope mangincahi goarNia dohot bandar parmiananNia dohot angka na maringanan di banua ginjang.