MASMUR 78:16 - BIBEL JAMITA NA DENGGAN

¹⁶ Disuru Ia dolok batu paruarkon aek, gabe mardalan ma aek i songon batang aek.

MASMUR 78:16 ပူးပေါင်းရင်းမြစ်များ

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 107:35

Parhorsihan diuba Ia gabe ambar, tano na hiang dibaen Ia gabe mual ni aek.

MASMUR 114:7

Ale portibi, humutur ma di adopan ni Tuhan di adopan ni Debata ni si Jakob.

MASMUR 114:8

Ia do na pauba batu karang gabe tobat, jana dolok batu gabe mual ni aek na mardalan.

HABAKUK 3:9

Ma pola diparade Ho siorMu, sintak do anak ni siorMu. Dibola Ho do portibi on gabe batang aek.

BILANGAN 20:8

“Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

PANGARATAION 9:21

Antong patung na nibaenmunu i – lombu sere – huambungkon noma tu api. Huropuk ma i jana hududa lopus lamot songon abuan, lalu huambungkon ma abuna i tu bagasan anak ni batang aek na mardalan sian dolok i.