MASMUR 77:18 - BIBEL JAMITA NA DENGGAN

¹⁸ Hilap pe margurasai, ronggur pe mardotur tano pe mangalalo jana humutur.

MASMUR 77:18 ပူးပေါင်းရင်းမြစ်များ

2 SAMUEL 22:14

Mangaronggur ma Tuhan sian langit an, patubegehon soraNa ma Debata Na Markuasoan.

2 SAMUEL 22:8

Humuntal tano jana humutur, ojahan ni langit pe humusor jana marputar dibaen topet hatiha muruk Debata marpiar-piar parmurukNa.

MASMUR 104:7

Di na nigorahonMu, marlojong aek i; umbege parentaMu, kehe ia mangompoti.

MASMUR 18:14

Dipalua Ia panaNia, musu i pe kehe gumadobur, maporus halahi hatiha manyoro ronggur.

MASMUR 18:15

Tandolan ni laut tarida, sisik ni tano tarbuka tangkas, di na manyonggak Tuhan tu musu mardongan rimas.

MASMUR 18:7

Dung i humutur ma tano bope bona ni dolok humutur, harana muruk ni Debata madung gurgur.

MASMUR 97:4

Ditorangi hilapNa i portibi on, humitir tano on marnidasa.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

HABAKUK 3:4

Ro do Ho mardongan sinondang na torang, sian tanganMu ruar do sondang na godang, disi do buni hagogoonNa.

MATEUS 27:51

Dung i manigor masibak ma tire na di Bagas Ni Debata bola dua sian ginjang lalu tu toru. Humutur ma tano i, mangkabola ma angka dolok batu.

MATEUS 28:2

Jadi tompu ma masa lalo na gogo. Na mijur do sada surusuruan sian banua ginjang manggulang batu panutup ni tanoman i. Dung i juguk ma ia diginjang batu i.

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.

HALUMBAAN 18:1

Dung salpu i, huida ma sada surusuruan na asing mijur sian banua ginjang. Na godang do kuasonia jana gabe torang ma tano on sudena hara ni sahalania.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

HAKIM-HAKIM 5:4

Tuhan, di na mardalan Ho ruar sian Seir, dohot Luat Edom ditadingkon Ho, humotar portibi. Angka bubusan ni langit pe marbuka, jana diduruskon angka ombun ma aekna.