MASMUR 77:10 - BIBEL JAMITA NA DENGGAN

¹⁰ Jadi hudok ma, “Anggo na mambaen dumangol, on do – madung muba be Na Gumincat i.”

MASMUR 77:10 ပူးပေါင်းရင်းမြစ်များ

JOB 42:3

Disapai Ho au sanga hara ni aha umbaen na puluk au manghagangguhon bisukMu, hape au sandiri nada hupaboto-boto salaho tusi. Huhatahon do angka pangalaho na so huboto, salaho tu angka pangalaho na tarlobi pahomang rohaniba on.

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

MASMUR 31:22

Mabiar do au anggo di hatiha i jana marpikir, “Madung dipaorot Tuhan au lakna sian adopanNa.” Hape madung habegean tu Ho pangidoanku, di na pio-pio au tu adopanMu.

MASMUR 73:22

maoto au, nada mangastui, songon binatang do au di adopanMi.

MASMUR 77:5

Huingot ma angka ari na salpu tarsunggul ma tu roha angka taon na dung salpu.

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

MARKUS 9:24

Manigor mangangguk ma ama-ama i, “Porsaya do au. Urupi ma au na hurang porsaya on!”

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.