MASMUR 76:5 - BIBEL JAMITA NA DENGGAN

⁵ Madung dirampasi Ho angka halak na barani, tarsinok be halahi jana nada tarsunggul be i. Angka tentara na barani madung mago gogona i.

MASMUR 76:5 ပူးပေါင်းရင်းမြစ်များ

MASMUR 13:3

Parate-atehon jana alusi au, ale Tuhan Debatangku. Pargogoi au jana ulang padiar mate au,

JESAYA 31:8

Abis di parporangan noma Asur, tapi nada marhite gogo ni jolma. Maporus ma halak Asur i sian porang, jana angka na poso bulung ni halahi baenon noma gabe hatoban.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 46:12

Tangihon ma Au, ale angka jolma na jogal, angka halak na dao sian hasintongan:

JEREMIA 51:39

Di na manggogo roha ni halahi giot mangan, pasingkoponKu ma sipanganon di halahi, jana baenonKu ma halahi mabuk jana ribur lopus tarpodom jana nada tarsunggul-tarsunggul be.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

NAHUM 3:18

Ale raja ni tano Asur! Mapola marmatean angka gubernurmu, angka bupatimu pe ma pola modom salolot-lolotna. Rayatmu marserak di angka dolok, jana nada adong sahalak pe tarbaen maroban halahi mulak.