MASMUR 74:3 - BIBEL JAMITA NA DENGGAN

³ Dalani ma inganan na dung gabe maronco, sandok na adong madung disegohon musu di inganan na badia i.

MASMUR 74:3 ပူးပေါင်းရင်းမြစ်များ

2 RAJA-RAJA 25:9

Disurbu si Nebusaradan ma Bagas Ni Debata, bagas godang ni raja i dohot bagas ni sude halak na sumangap-sangap di Jerusalem.

NEHEMIA 1:3

Dicaritohon halahi ma, hapengani na mahancit do ngolu ni angka halak na tarbuang na dung marmulahan mangulahi tu tanona i hara ni na nipalayas ni angka bangso na humaliangna i. Boti muse, laing na maropuk-ropuk dope masarsar angka tembok ni kota Jerusalem jana angka pintu horbanganna i pe nada podo dipadenggan mamungka sian na hona surbu di hatiha na salpu.

NEHEMIA 2:13

Borngin dope ari di na lalu hami tu kota i mamolus sian Pintu Horbangan Lombang na di sabola Hasundutan. Adop Selatan ma hami kehe tu Pintu Horbangan Rompak mamolus sian Mata Mual Naga. Hupareso ma di pardalanan i na dung gabe ropuk-ropuk noma tembok ni kota i dohot angka pintu horbanganna i madung abis dipangan api.

NEHEMIA 2:3

jana hualusi ma, “Sai horas ma da raja i sapanjanna! Bia ma he so marsak iba, anggo laing na tinggal maropuk do kota inganan ni kuburan ni angka daompung boti angka pintu horbanganna i pe madung abis dipangan api.”

MASMUR 44:23

Ngot ma Ho! Biasi sai modom Ho, ale Tuhan? Jongjong ma Ho! Ulang tulak hami sapanjang.

MASMUR 44:26

Ro ma da Ho mangurupi hami, palua ma hami, angke manongtong do holong ni rohaMi.

MASMUR 79:1

Bangso na so mananda Ho, ale Debata, madung mambuat tano teananMu. Dipahodar halahi BagasMu, gabe maronco-ronco dibaen Jerusalem.

JESAYA 10:6

Hutongos do Asur laho manguhumi bangsongKu na marbalik jana na mambaen Au muruk. Husuru do Asur laho mangarampas dohot manangko lalu mangalonca-lonca bangsongKu songon abu na di dalan i.”

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 61:4

Sego-sego ni kota na dung honok mamolngit pajongjongon ni halahi mangulahi.

JEREMIA 52:13

Disurbu si Nebusaradan ma Bagas Ni Debata, bagas godang ni raja i dohot sude bagas ni halak na godang-godang di Jerusalem.

ANDUNG 1:10

Dirampas angka musuna sude sinadonganna; diida ia halahi masuk tu Bagas Ni Debata, haru pe diorai hian mambaen na songon i di halak na so masuk bangso ni Tuhan i.

DANIEL 11:31

Ramun ma inganan na badia i baenon ni piga-piga halak sian tentarania i. Soadahonon ni halahi ma haul siganop ari jana pajongjongon ni halahi ma Hajahatan Na Mangagohon.

DANIEL 9:17

Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

MIKA 1:3

Manuat do Ia sian parmiananNa na badia i, jana mardalan di angka puncu ni dolok na di portibi.

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

MARKUS 11:17

Dung i mangajar ma Jesus tu halak na disi i. Didok Ia ma, “Nada he tarsurat do di Buku Na Badia songon on: Didok Debata do, ‘Digoari ma BagasKu inganan partangiangan ni sude bangso?’ Hape gabe dibaen hamu do i gabe liang ni panyamun!”

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

JOSUA 10:24

jana dioban ma i tu si Josua. Dung i dipiohon si Josua ma sude halak Israel marlagut. Dung i diparentahon si Josua ma anso marroan angka panglimania na rap kehe marporang dohot ia mandegei pangkal ni rungkung ni raja-raja i. Jadi dipatulus angka tentara i ma songon i.

HALUMBAAN 11:2

Tapi anggo alamanna i ulang pola suhat, angke anggo alaman ni Bagas Na Badia i madung dipasahat i tu angka jolma na so mananda Tuhan. Lonca-loncaon ni halahi ma Kota Na Badia i opat pulu dua bulan honokna.