MASMUR 74:21 - BIBEL JAMITA NA DENGGAN

²¹ Ulang padiar halak na hona sosak marmalu-malu, anso dohot halak na dangol maradu na pogos mamuji goarMu.

MASMUR 74:21 ပူးပေါင်းရင်းမြစ်များ

ESRA 3:11

Diendehon rayat i ma puji-pujian di Tuhan, diulak-ulahi ma bagian na parpudi i, songon on ma sorana, “Na burju do Tuhan i; jana hot do sapanjangna holong ni rohaNia tu Israel.” Marsurak ma sude rayat i dohot mamuji Tuhan, hara ni na dung dipayakkon pondasi ni Bagas Ni Tuhan.

MASMUR 103:6

Didalankon Tuhan uhum dohot hatigoran tu sude halak na didondonan.

MASMUR 109:22

Angke na pogos do au boti na dangol, jana rohangku pe marsingotngot.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 35:10

Sian sandok rohangku hudok hatangku, “Tuhan, nada adong da tudosanMu! Diondihon Ho do na gale sian na gogo na pogos dohot na marhancit sian na manyosaksa.”

MASMUR 9:18

Nada tongtong halak na dangol dihalupahon, nada torus halahi so marpangaropon.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”