MASMUR 74:20 - BIBEL JAMITA NA DENGGAN

²⁰ Ingot ma parjanjian na nibaenMi dohot hami on, angke manggolap do di sude ingananna di luat on, sai mangasahon gogo do sude jolma.

MASMUR 74:20 ပူးပေါင်းရင်းမြစ်များ

2 SAMUEL 23:5

Laing songon i ma pomparanku pasupasuon ni Debata, janjiNia tu au nada muba, hot tongtong jana sanggam janjiNia taratur do i di sasudena. Debata do na mangalehen au monang jana na mambaen dijagit sude pangidoan.

MASMUR 105:8

IngotonNia do tongtong parjanjianNia, marlaku do janjiNia lopus saribu sundut.

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 5:8

Tuhan, na bahatan do angka musungku! Togu ma au patuluskon giot ni rohaMu, jana pahornop ma dalanMu na giot hudalani.

MASMUR 89:28

Holong ni rohangKu nada mansadi, parjanjianKu dohot ia sai hot do i Hugohi.

MASMUR 89:39

Sundat dibaen Ho parjanjianMu dohot naposoMu, diambungkon Ho tukuna i tu bagasan bustak.

JEREMIA 14:21

Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.