MASMUR 73:25 - BIBEL JAMITA NA DENGGAN

²⁵ Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

MASMUR 73:25 ပူးပေါင်းရင်းမြစ်များ

MASMUR 104:34

Sai tumbuk nian endengki di rohaNia angke Ia do mambaen rohangku marmoga-moga.

MASMUR 16:11

Dipatidahon Ho do tu au dalan hangoluan; rap dohot Ho mambaen au gok hamogaan dipapuas Ho rohangku salolot ni lolotna.

MASMUR 16:2

Ningku, “Ho do Tuhanku, sude na denggan hujagit sian tanganMu!”

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 37:4

Jalahi ma hatuaanmu di bagasan Tuhan, dilehen Ia ma por ni rohamu.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 63:3

Ummarga do holong ni rohaMu na manongtong i ulang hangoluan, i ma dalanna umbaen hupuji Ho.

MASMUR 89:6

Di langit ni langitan nada adong na tudos dohot Ho, Tuhan, nada adong pardibanua ginjang na sarupa dohot Tuhan.

MATEUS 10:37

Halak na humolongan rohana mida amangna sanga inangna ulang mida Au, nada tumbuk halak sisongon i di Au. Songon i muse halak na humolongan rohana mida anakna sanga boruna ulang mida Au, nada tumbuk halak sisongon i gabe siihutkon Au.

MATEUS 5:8

Martua ma halak na ias rohana, angke halahi ma na giot marnida Debata.

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

HALUMBAAN 21:3

Dung i hubege ma sada sora na gogo sian habangsa i mandok, “Ligi ma, bandar ni Debata adong di tonga-tonga ni jolma, jana maringanan ma Ia di tonga-tonga ni halahi. Gabe Ia noma Debata ni halahi, jana halahi ma gabe bangsoNia.