MASMUR 73:23 - BIBEL JAMITA NA DENGGAN

²³ Hape laing donok do au di lambungMu, ditiop Ho do tangan siamunku.

MASMUR 73:23 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

MASMUR 139:18

Muda huetong bahatna, umbahat do sian horsik; muda tarsunggul au, laing Ho do hupikiri.

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 37:17

Angke ponggolkonon ni Tuhan do kuaso ni parjahat, tapi lehenonNia do pangondian tu halak na tigor.

MASMUR 37:24

Muda tinggang pe ia, nada jabat poran bugangnia, angke digolom Tuhan do tangannia.

MASMUR 63:8

Hutiop Ho togu, malua au hara ni hagogoon ni tanganMu.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:13

Au Tuhan, Debatamu, maniop tangan siamunmu; ningKu do, ‘Ulang ho mabiar, urupanKu do ho.’ ”

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

MATEUS 1:23

“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”