MASMUR 73:16 - BIBEL JAMITA NA DENGGAN

¹⁶ Sai huparayak do laho mangastui, hape mamaoltu do anso iba mangarti.

MASMUR 73:16 ပူးပေါင်းရင်းမြစ်များ

MASMUR 36:6

HadenggananMu marsijongjong songon gincat ni dolok, jana hatigoranMu songon bagas ni laut. Jolma dohot angka binatang, dipasari-sari Ho do, ale Tuhan.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 77:19

Mardalan do Ho mamolusi galumbang, didalani Ho lautan, hape andegeMu nada haidaan.

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

PARJAMITA 1:17

Jadi hupasada do rohangku laho mamboto parkotian ni parbinotoan dohot haotoan, antara ni habisuhon dohot na pamalo-malohon. Hape songon na manangkup angin sajo do au.

PARJAMITA 8:17

nada malo hita mangastui karejo ni Debata. Sanga na bia pe tabaen, nada mungkin hita mangastuisa. Dioku halak na pistar do na ummalo ia, tapi anggo na satutuna nada diboto ia.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.