MASMUR 73:11 - BIBEL JAMITA NA DENGGAN

¹¹ Jana didok halahi, “Bia ma he pamboto ni Debata taringot tusi, adong ma he parbinotoan di Na Gumincat?”

MASMUR 73:11 ပူးပေါင်းရင်းမြစ်များ

MASMUR 10:11

Ning rohania, “Debata madung lupa, nada diparrohahon ia; jana nada idaonNia ro di salolotna.”

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

MASMUR 44:21

pasti diboto Ho do i, angke didodo Ho do sibunian ni roha.

MASMUR 73:9

Dibuka halahi do pamanganna mangalo langit, jana mamburas do dila ni halahi di tano on.

MASMUR 94:7

Didok halahi, “Nada diida Tuhan i, nada diparrohahon Debata ni Jakob i.”

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

HOSEA 7:2

Na so unjung do mamolus di pikiran ni halahi, sai paingot-ingotonKu do sude hajahatan ni halahi i. Humaliang halahi do angka dosa ni halahi gabe tangkas do Huida sudena.”

ZEPANYA 1:12

Di hatiha i buatonKu ma obor jana galedaonKu ma kota Jerusalem. UhumanKu ma halak na disi na marpos ni roha jana puas dibaen dirina sandiri, jana na mandok di bagasan rohana, na so jungada sanga aha dibaen Tuhan na denggan sanga na jat.