Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.
“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.
Madung diropuhi Ho tinggala sian takkuhukna dohot lanja-lanja sian abarana, madung ditaluhon Ho bangso na mambaen susa bangsoMu, songon panaluhonMu di halak Midian na jolo.
Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki.
Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.
Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.
Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!
Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”