MASMUR 72:15 - BIBEL JAMITA NA DENGGAN

¹⁵ Mangolu ma ia! Sai disombahon halak ma tusia sere na sian Arab. Sai ditangiangkon ma ia tongtong jana sai dipasupasu ma tongtong.

MASMUR 72:15 ပူးပေါင်းရင်းမြစ်များ

1 RAJA-RAJA 10:10

Dung i dipasahat ratu na sian Seba i ma angka silua na niobanna i tu si Salomo, lobi opat ribu kilogram sere dohot batu intan bahat songon i dohot angka parmasak. Dung i nada jungada be dijagit si Salomo parmasak songon bahat ni na nilehen ni ratu na sian Seba i tusia. (

1 RAJA-RAJA 10:14

Ganop taon manjagit sere do Raja Salomo mardonok tu dua pulu tolu ribu kilogram,

2 JUJUR TAON 9:1

Tarbege ma tu Ratu ni tano Seba taringot tu hagodangan ni si Salomo. Jadi gabe ro ma ia tu Jerusalem laho manguji si Salomo dohot sapa-sapa na maol-maol. Bahat do angka na mangudurkon ia di na ro i, songon i unto na sorat marboban angka parmasak, batu intan, dohot sere bahat sajo. Dung marsuo dohot si Salomo, dibaen ia ma angka sapa-sapa na dapot dipikiri ia.

MASMUR 21:4

Dipangido ia ngolu; umur na ginjang dilehen Ho disia, dohot dope ngolu na salolotna.

MASMUR 45:4

Maju ma da mardongan sahala manuju habonggalan marayakkon hajojongjong ni hatigoran dohot uhum. Gogo ni raja i ma da padumpangkon hamonangan na marbungaran.

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

JESAYA 60:6

Marroan bahat unto tu tanomu, sian Midian dohot Efa angka i marroan. Sian Seba dioban halak sere dohot hamonyan, lalu mamuji pambaenan ni Tuhan.

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

MATEUS 6:10

ro ma HarajaanMu tulus ma rohaMu di tano on, songon di banua ginjang.

JOHANNES 11:25

Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 5:23

Dibaen Damang pe i anso dipasangap halak do Anak i songon na ni baen ni halak tu Damang. Halak na so pasangapkon Anak i, nada diparsangapi ia muse Ama na marsuru Anak i.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

1 TESSALONIKA 3:11

Sai dipabulus Debata Amanta i sandiri dohot Tuhanta Jesus ma nian dalan di hami anso marsuo dohot hamu!

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

1 JOHANNES 1:2

Madung dipaboa hangoluan i tu portibi on, jana madung hami ida. I ma umbaen na hami saksihon taringot tusi jana hami jamitahon taringot tu ngolu na manongtong na adong hian rap dohot Ama i jana na dung dipatidahon tu hami.

JUDAS 1:25

Di Debata na sasada i, Sipalua hita markite-hite Jesus Kristus, Tuhanta i, diSia ma hasangapan, hagodangan, hagogoan dohot kuaso sian mula ni mulana, saonnari ro di salolot ni lolotna! Amen.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.