MASMUR 71:9 - BIBEL JAMITA NA DENGGAN

⁹ Ulang ma ambungkon au di ari ni hatotobangku ulang tadingkon au muda dung abis gogongku,

MASMUR 71:9 ပူးပေါင်းရင်းမြစ်များ

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

MASMUR 73:26

Haru pe gabe gale pamatangku dohot rohangku, Ho do ale Debata hagogoonku; hum Ho sajo noma na huporluhon sudena salolot ni lolotna.

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.