MASMUR 71:5 - BIBEL JAMITA NA DENGGAN

⁵ Ale Tuhan, hum Ho noma arop ni rohangku, tu Ho sajo do au porsaya mamungka sian haposoonku ale Debata.

MASMUR 71:5 ပူးပေါင်းရင်းမြစ်များ

1 RAJA-RAJA 18:12

Muda kehe au sian on, mungkin do obanon ni Tondi Ni Tuhan amang tu inganan na so huboto! Jana muda hupaboa tu si Ahab na dison amang, hape nada marsuo ia tu amang, tontu bunuonnia ma au, haru pe na marsitutu au na maribadat i tu Tuhan sian na menek.

2 JUJUR TAON 34:3

Dung salapan taon ia gabe raja, dompak bajar dope ia, mamungka ma si Josia marsomba Debata na nisomba ni Raja Daud ompunia i. Dung opat taon mamungka ma dironcohon ia angka inganan parsombaan ni gana-ganaan, angka patung ni Debata Asera, dohot angka gana-ganaan na asing.

MASMUR 119:166

Hupainte do haluaan sian Ho ale Tuhan, jana hukarejohon do na nidokkonMu.

MASMUR 119:81

Malungun situtu do rohangku di haluaan na sian Ho, ale Tuhan, janjiMu do na huhaposi.

MASMUR 13:5

Tapi anggo au mararop ni roha do tu ibo ni rohaMu, marmoga-moga ma rohangku, angke Ho palua au.

MASMUR 39:7

Saonnari aha dope na hupainte, ale Tuhan? Tu Ho do au mararop roha.

MASMUR 42:11

Biasi marsak jana susa ho rohangku? Tu Debata noma au mararop roha, jana mandok tarimakasi mangulahi tuSia, tu Debatangku jana Sipalua di au.

MASMUR 71:17

Diajari Ho do au ale Debata, mamungka sian haposoonku, lopus sadarion hupajojor do pambaenanMu na pahomang roha.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

JEREMIA 14:8

Hum sasada Ho do di Israel pos ni roha, na paluahon hami sian hasusaan. Hape biasi songon halak na asing Ho di tanonami, songon halak na hum saborngin maradian lalu kehe?

JEREMIA 17:13

Tuhan, Ho do pos ni roha ni Israel bangsoMi, angkon gabe maila do sude na manadingkon Ho. Na giot kehe ma halahi tu inganan ni jolma na mate i; angke Ho do mual ni aek hangoluan madung ditadingkon halahi, ale Tuhan.

JEREMIA 17:17

Ulang ma Ho gabe songon songgot-songgot na mambaen mabiar au. Ho do inganan haporusanku muda ro hasusaan.

JEREMIA 17:7

Tapi anggo halak na marpos ni roha tu Au sai na pasupasuonKu do i marpupu.

JEREMIA 50:7

Sudena na marsuo dohot halahi marsisoro ma tu halahi. Didok musu ni bangsongKi do, ‘Aha na hita baen, nada adong sala ni i, angke na dung mardosa do angka jolma i tu Tuhan. Porsaya do antong ompu ni halahi tu Tuhan, jadi halahi pe sapatutna do angkon setia tuSia.’

LUKAS 2:40

Mur magodang ma Dakdanak i, jana mur gogo, gok hapistaran, asa didongani asi ni roha ni Debata do Ia.

SURAT NI SI PAULUS TU PARLAGUTAN ROM 15:13

Debata do arop ni rohamunu. Sai digohi Ia ma rohamunu dohot jop ni roha bope dohot hasonangan di bagasan haporsayaanmunu tuSia, anso mur mararop roha hamu tu Debata baenon ni gogo ni Tondi Parbadia.

2 TIMOTEUS 3:15

Ingotonmu do, mamungka sian hamenehanmu dope madung ditanda ho Buku Na Badia i. Ditorangi Buku Na Badia i do rohamu laho mangastui anso maruli haluaan ho sian na mangkaporsayai Kristus Jesus.

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.