MASMUR 71:24 - BIBEL JAMITA NA DENGGAN

²⁴ Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

MASMUR 71:24 ပူးပေါင်းရင်းမြစ်များ

MASMUR 35:28

Jadi paboa-boaonku ma hatigoranMu, jana pujionku ma Ho sian ari tu ari.

MASMUR 37:30

Halak na denggan pajojor hata na marimpola sai na tigor do hata na nidokna.

MASMUR 70:3

Sugari halak na martataihon au gabe tarsonggot ma nian jana maila.

MASMUR 71:13

Sai ditaluhon jana diagohon ma, sanga ise na mamorangi iba. Sai dipalebak jana targora ma sanga ise na mambaen hamamago tu iba.

MASMUR 71:15

Ganop ari caritohononku ma hadenggananMu, dohot haluaan na sian Ho na so hasuhatan.

MASMUR 71:8

Sai Ho do tongtong hupuji hupaboa-boa do hagodanganMu ganop ari.

MASMUR 92:11

Madung huida musungku ditaluhon, madung hubege angguk ni angka halak na jahat.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

1 KORINTUS 15:25

Mamarenta ma Kristus lopus sude musuNia i tunduk tuSia baenon ni Debata.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

PANGARATAION 11:19

Ajarkon ma i tu angka dakdanakmu. Sai hobar-hobari hamu ma i dompak di bagas hamu sanga pe di na mardalanan, dompak maradian hamu sanga di hatiha markarejo.