MASMUR 71:22 - BIBEL JAMITA NA DENGGAN

²² Pujionku ma Ho marhite hasapi, ale Debatangku, hupuji Ho, dibaen sai denggan rohaMu mida au. Mardongan sora ni hasapi endehononku ma pujian di Ho, ale Na Badia ni Israel.

MASMUR 71:22 ပူးပေါင်းရင်းမြစ်များ

2 RAJA-RAJA 19:22

Ise dehe lakna na niincahanmi? Au Debata ni Israel, Debata Na Badia, Au do na nipabilemi. Maginjangtu do rohamu maradopkon Au.

MASMUR 138:2

Di na hupuji goarMu, laing marsomba muse au adop BagasMu na badia, angke setia do Ho jana sai marholong roha, madung dipatorang Ho, goar dohot angka parentaMu disalpui i do sasudena.

MASMUR 144:9

Endehononku ma di Ho logu na imbaru, ale Debata, jana piltihonku ma hasapi na martali sampulu.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

MASMUR 33:2

Dok ma tarimakasi tu Tuhan mardongan hasapi, marende ma diSia mardongan sora ni musik.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 56:4

Hupuji do Ho ale Debata, hara ni na nijanjihonMi; tu Ho do au marpos ni roha, gabe nada au mabiar; nada tarbaen jolma sanga na aha tu au.

MASMUR 78:41

Sai diuji do marpupu Debata, pasusahon Debata ni Israel, Na Badia.

MASMUR 89:1

Ale Tuhan, sai marende do au tongtong salaho tu holong ni rohaMu na manongtong. Baritahononku ma holong ni rohaMu tu ganop sundut.

MASMUR 89:18

Angke madung dipili Ho ale Tuhan pangondiannami, ale na badia ni Israel, madung diangkat Ho rajanami.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

MASMUR 98:4

Marsurak-surak ma hamu di Tuhan, ale sandok tano on, marsurak ma hamu jana pajojor masmur marjop ni roha!

MASMUR 98:5

Puji hamu ma Tuhan mardongan hasapi, mardongan hasapi dohot angka ende na jeges-jeges.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 43:3

Angke Au do Tuhan, Debatamu. Debata Na Badia ni Israel, Sipaluamu. Hulehen Mesir gabe partobusmu, Sudan dohot Seba baen gontimu.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

SURAT NI SI PAULUS TU PARLAGUTAN ROM 15:8

Tapi on do na hudok, na gabe pangoloi ni halak Jahudi do Kristus, hara ni hasintongan ni Debata, anso dipatogu Ia janji na dung nilehenNia di angka ompunta.