MASMUR 71:20 - BIBEL JAMITA NA DENGGAN

²⁰ Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 71:20 ပူးပေါင်းရင်းမြစ်များ

2 SAMUEL 12:11

Husumpahon ma angkon paroonKu sori mago tu ho na ro sian tonga-tonga ni pangisi ni bagasmu sandiri. BuatonKu ma angka dadaborumu di jolo ni matamu jana lehenonKu ma i tu halak na asing na mangangkupi halahi modom di arian raya.

MASMUR 119:25

Payak do au tarpodom di abu; paulak ma ngolungku hombar tu janjiMu.

MASMUR 138:7

Dompak ro siarsakkonon tu iba, dijago Ho do au anso tongtong sonang. Dialo Ho do musungku na gasa-gasaon jana dipalua Ho do au marhite kuasoMu.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 60:3

Dipadiar Ho do hami bangsoMon marnyae na so tartaon, songon halak na mabuk hami marambalan.

MASMUR 60:5

anso malua angka halak na nihaholongan ni rohaMu. Lehen ma hamonangan marhite kuasoMu jana tangihon ma tangiangnami.

MASMUR 80:18

Gabe nada manyimbil be hami sian Ho, jagohon ma ngolunami, gabe pujionnami noma Ho.

MASMUR 85:6

BangsoMu do hami, pargogoi ma hami mangulahi, anso laing marpupu Ho tarpuji hami.

MASMUR 86:13

Hara ni godangna holong ni rohaMu na manongtong i di au, madung dipalua Ho au sian liang ni kuburan.

MASMUR 95:4

Dirajai Ia do sandok tano on, sian bagian na umbagas lopus tu angka dolok na gincat.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JUNUS 2:6

Julung do au lopus tu ojahan ni tano on, na marhorbangan jana na markunci salolot ni lolotna. Hatiha i ma dipaulak Ho ngolungku sian hamatean, ale Tuhan, Debatangku.

MARKUS 15:34

Di pukul tolu andospotang i mangangguk ma Jesus marsora na gogo, “Eloi, Eloi, lama sabakhtani?” astuanna, “O DebatangKu, DebatangKu biasi ditinggalkon Ho Au?”

BAENON NI ANGKA RASUL 2:24

Tapi dipabangkit Debata do Ia jana dipalua sian bernit ni hamatean, angke nada tarbaen hamatean i torus maniop Ia.

EPESUS 4:9

Jadi muda didok “manaek Ia” astuanna na dung mijur hian do Ia lopus tu inganan na partoru situtu di tano on.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

1 SAMUEL 2:6

Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.