MASMUR 71:2 - BIBEL JAMITA NA DENGGAN

² Dibaen na tigor do Ho, palua ma au, sai tangihon jana palua ma au.

MASMUR 71:2 ပူးပေါင်းရင်းမြစ်များ

MASMUR 143:1

Ale Tuhan, tangihon ma tangiangku, parrohahon ma pangidoanku. Alusi ma au hara ni habonaranMu, patulus ma tangiangku hara ni hatigoranMu.

MASMUR 143:11

Palua ma au hombar tu janjiMu, ale Tuhan, hara ni denggan ni basaMu, palua ma au sian hasusaan.

MASMUR 17:2

Ho do na mangurupi au di parkarongku, diboto Ho do sanga dia na tutu.

MASMUR 17:6

Tu Ho do pio-pio au, angke dialusi Ho do au. O Debata, parate-atehon ma au, jana tangihon angka hatangku.

MASMUR 31:1

Ale Tuhan marpangondian tu Ho do au, ulang loas dipaila jana lus au, hara ni hatigoranMu, sombangku, palua ma au.

MASMUR 31:2

Tangihon ma tangiangku. Palua ma au manigor. Ho noma da dolok batu inganan parlinggomanku, dohot benteng na togu, inganan haluaan di au.

MASMUR 34:15

Diparrohahon Tuhan do halak na daulat, muda pio-pio halahi, ditangihon Ia.

MASMUR 43:1

Ale Debata, ondihon ma au di parkarongku maradopkon angka halak na durako. Patorang ma na so marsala au, palua ma au sian parjahat dohot pangicu.

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.