MASMUR 71:19 - BIBEL JAMITA NA DENGGAN

¹⁹ Sagincat ni langit hatigoranMu, ale Debata; na godang do karejo ni tanganMu, ise ma he na tarpatudos tu Ho?

MASMUR 71:19 ပူးပေါင်းရင်းမြစ်များ

JOB 5:9

Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

MASMUR 139:6

Na lobi bagas ma antong parbinotoan i di au, nada tartaja pikiranku.

MASMUR 35:10

Sian sandok rohangku hudok hatangku, “Tuhan, nada adong da tudosanMu! Diondihon Ho do na gale sian na gogo na pogos dohot na marhancit sian na manyosaksa.”

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

MASMUR 57:10

Holong ni rohaMu na manongtong i sagincat ni langit, jana denggan ni rohaMu sagincat ni angka ombun.

MASMUR 72:18

Puji ma Tuhan ni Israel! Hum Ia do na patupahon pangalaho na godang.

MASMUR 86:8

Ale Tuhan, nada adong debata na songon Ho, nada adong pambaenanna na tudos tu Ho.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

PODA 15:24

Manaek tu hangoluan do dalan ni halak na bisuk, anso dao ia sian banua toru.

PODA 24:7

Magincattu do bisuk anggo di halak na oto. Nada tardoksa sanga aha muda hatiha manghobari halak taringot tu angka pangalaho na penting.

JESAYA 40:18

Jadi giot tu aha ma patudosonmu Debata, aha ma didok rohamu na sarupa dohot Ia?

JESAYA 40:25

Dohot ise ma he patudosonmunu Au, ise ma he tudosanKu?

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JESAYA 55:9

Songon langit na gincat, dao mangembang di ginjang ni tano on, laing songon i ma pikiranKu guminjang sian pikiranmunu, jana dalanKu dao do marasing sian dalanmunu.

JEREMIA 10:7

Ise ma he na so mabiar marnida Ho, ale Raja ni sandok bangso? Tutu ma da, Ho do na patut sipujion jana na patut pasangapon. Sian sandok na pistar di tonga-tonga ni angka bangso dohot sian sude angka raja ni halahi, sahalak pe nada adong martudosan tu diriMu ale Tuhan.

LUKAS 1:49

hara ni Na Markuaso i, na dung mambaen angka pangalaho na godang tu au. Na Badia do goarNa.

PANGARATAION 3:24

‘O Tuhan Na Gumincat, huboto do anggo na nipatuduhonMon tu au hum songon pamungkaan ni angka pambaenanMu na godang jana hahomangan do. Nada adong debata na asing di langit bope di tano on na margogo mambaen angka pangalaho na godang songon Ho.