MASMUR 71:15 - BIBEL JAMITA NA DENGGAN

¹⁵ Ganop ari caritohononku ma hadenggananMu, dohot haluaan na sian Ho na so hasuhatan.

MASMUR 71:15 ပူးပေါင်းရင်းမြစ်များ

1 JUJUR TAON 16:23

Marende ma di Tuhan, o ale sandok portibi, marsaringar baen hamu barita haluaanNia ganop ari.

MASMUR 145:2

Ganop ari do au mandok tarimakasi tu Ho, jana sai hupuji do tongtong goarMu.

MASMUR 30:12

Jana nada ra be au manghasipkon; endehononku noma Ho dipamujion. O Tuhan, Ho do da Debatangku, sai mandok tarimakasi tu Ho do au salolotna.

MASMUR 35:28

Jadi paboa-boaonku ma hatigoranMu, jana pujionku ma Ho sian ari tu ari.

MASMUR 40:12

Dirongomi parmaraan na jorbut do au na so taretong bilanganna. Diayak-ayak angka dosangki do au nada tarbaen au be mangaligi. Bilanganna lobi sabahat ni obuk na di ulungku, na mambaen manderse rohangku.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 40:6

Haul sipanganon na niparade nada por rohaMu disi haul hasesaan ni dosa nada diigil rohaMu i. Hape madung dilehen Ho simanangingku na tarbaen umbege soraMu.

MASMUR 51:16

Haul na nisambol nada tabo di pangkilalaanMu; sugari pe huhaulkon haul situtungon, nada jop rohaMu.

MASMUR 71:24

Sasadari giot hubaritahon do hatigoranMu, angke angka halak na giot manyusahon au, madung ditaluhon jana dipaili. jana talu musungku na mangago au.

MASMUR 71:8

Sai Ho do tongtong hupuji hupaboa-boa do hagodanganMu ganop ari.

MASMUR 73:28

Denggan sajo do di au, hara ni na donok tu Debata, parondingan do hubaen Tuhan Debata, anso tarpajojor au pambaenanNia sudena.

MASMUR 89:16

Hara ni Ho, gabe marjop ni roha halahi, dipuji halahi hadenggananMu sasadari.

PODA 5:2

anso diboto ho marparange na ture jana tarida ma sian hatamu na adong parbinotoanmu.

HAKIM-HAKIM 5:11

Tangihon! Di lambung ni angka sumur marendei halak na ribur. Paboa-boahon hamonangan ni Tuhan marpupu, hamonangan na nilehenNia tu bangsoNia! Lalu marbaris ma halak ni Tuhan tu horbangan ni kota.