MASMUR 71:14 - BIBEL JAMITA NA DENGGAN

¹⁴ Tapi anggo au, sai marpos ni roha tu Ho do au jana jumotjot ma au mamuji goarMu.

MASMUR 71:14 ပူးပေါင်းရင်းမြစ်များ

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

MASMUR 130:7

Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

MASMUR 71:6

Sian hasosorangku, marpangunsandean tu Ho do au; dijagohon Ho do mamungka sian bortian ni dainang au; jadi sai tongtong ma Ho pujionku.

ANDUNG 3:21

Tapi haru songon i pe mulak gurgur do arop ni rohangki, di na huingot pangalaho on mangulahi.

ANDUNG 3:24

Hum Tuhan sajo do na adong di au, tuSia sajo do hupapos rohangku.

ANDUNG 3:25

Burju do Tuhan tu halak na mararop ni roha tuSia, dohot tu halak na jalak-jalak diSia.

ANDUNG 3:26

Antong, painte ma di bagasan sonang lopus ro Tuhan mangalehen partolongan.

PILIPPI 1:9

On do tangiangku salaho tu hamu: Anso nian mur mabagas holong ni rohamunu mardongan parbinotoan na sintong bope dohot panatapan na tumbuk,

1 TESSALONIKA 4:10

Jana taringot tuson madung dipatuduhon hamu i maradopkon angka dongan Kristen na di Makedonia sudena. Tapi hamu ale angka dongan, gomos hami pangido tu hamu, anso laing mur tu dengganna dope i nian.

IBRANI 10:35

Jadi hara ni i, ulang mandele hamu, angke muda togu do haporsayaanmunu, adong do upa na godang disi!

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

1 JOHANNES 3:3

Sude halak na mararop ni roha tuSia, dipaias ia ma dirina songon Ia na badia i.