MASMUR 71:11 - BIBEL JAMITA NA DENGGAN

¹¹ Didok halahi, “Madung ditadingkon Debata ia; beta ma takojar jana tatangkup ia, angke nada adong be na paluahonsa.”

MASMUR 71:11 ပူးပေါင်းရင်းမြစ်များ

MASMUR 3:2

Bahat ma halak mandok, anggo Debata, na so ra do manolong au.

MASMUR 37:25

Mamungka sian haposoonku lopus matobang songon on, nada unjung dope huida halak na burju ditadingkon Tuhan, sanga pomparanna gabe pangido-ido sidoka.

MASMUR 37:28

Dibaen holong do roha ni Tuhan mida hatigoran; nada padiaronNa bangsoNa i marhancit. Sai hot do disarihon Ia halak na nihaholonganNia, hape anggo pomparan ni parjahat paorotonNia.

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

MASMUR 7:2

Ulang ma padiar songon singa halahi manyoro au; pola disuak-suak au, lalu disarat, dipadiar so adong na mangurupi.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

MATEUS 27:46

Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”

MATEUS 27:49

Tapi didok na deba ma, “Padiar ma songon i. Tapainte ma sanga na ro si Elia paluahon Ia!”

1 SAMUEL 23:7

Dung dipaboa tu si Saul na di Kehila si Daud, ning rohania ma, “Ma dipasahat Debata si Daud tu au. Ma hona jorat ia di na masuk ia tu kota na martembok jana na marpintu horbangan i.”