MASMUR 70:4 - BIBEL JAMITA NA DENGGAN

⁴ Sai marmoga-moga jana marjop ni roha ma nian sude halak na sai manjalahi Ho. Sai dohonon ni sandok na marhaluaan hara ni haluaon na nilehenMu ma, “Na godang ma da antong Debata!”

MASMUR 70:4 ပူးပေါင်းရင်းမြစ်များ

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

MASMUR 40:16

Sai marmoga-moga jana marjop ni roha ma sandok halak na manjalahi Ho. Sai sude ma nian mandok tarimakasi hara ni haluaan na nilehenMu torus mandok, “Na godang ma da Tuhan tutu!”

MASMUR 5:11

Marjop ni roha ma sanga ise na marlinggom tu Ho, mardongan jop ni roha marende-ende sai na tarbaen halahi do! Diramoti Ho do halak na manghaholongi Ho, sai marjop ni roha halahi hara ni Ho.

MASMUR 97:12

Marjop ni roha ma hamu hara ni Tuhan, ale angka halak na bulus marroha, jana mandok tarimakasi ma hamu tu Debata na badia.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

ANDUNG 3:25

Burju do Tuhan tu halak na mararop ni roha tuSia, dohot tu halak na jalak-jalak diSia.

JOHANNES 16:20

Hudok ma tu hamu: Satutuna martangisan ma hamu jana mangandungi; tapi jop ma roha ni portibi on. Susa ma rohamunu tapi gabe muba ma hasusaanmunu i gabe hajojop ni roha.