MASMUR 70:2 - BIBEL JAMITA NA DENGGAN

² Sugari halak na sai giot mamunu au dipatalu ma nian jana maporus so martontu. Sugari halak na manggorai bagianku, dipaulak ma nian jana di palebak.

MASMUR 70:2 ပူးပေါင်းရင်းမြစ်များ

MASMUR 109:29

Padiar ma angka musungku dilingkup habilean, jana hahaila manggupgupi halahi songon bulusan.

MASMUR 141:1

Pio-pio do au tu Ho, ale Tuhan, markobas ma Ho mangurupi au. Sai manangi ma nian Ho muda pio-pio au tu Ho.

MASMUR 22:12

Songon lombu na marhulanan, musu mangarongomi au, songon lombu riar na sian Basan halahi manghaliangi au.

MASMUR 22:20

Palua ma hosangku sian podang, sian anjing panyoro palua au jolo.

MASMUR 35:26

Padiar ma talu jana so marhatontuan sanga ise halak na sonang mida sitaononku. Padiar ma angka na gakgak i tu au marbile jana maila.

MASMUR 35:4

Ho ma padiarkon talu dohot pailahon sanga ise halak na giot mamunu au. Padiar ma kehe boti so martontu halak na martahi mangalo au.

MASMUR 40:14

Padiar ma halak na giot mamunu au ditaluhon jana maporus so diboto tondongonna. Padiar ma ditulak jana marbile halak na manggorai bagianku.

MASMUR 6:10

Sude musungku giot pailaonNa, jana sumurut halahi maporus sun tu dia.

MASMUR 71:12

Ulang Ho mandao sian au, ale Debata, Debatangku, manigor urupi ma au.

MASMUR 71:13

Sai ditaluhon jana diagohon ma, sanga ise na mamorangi iba. Sai dipalebak jana targora ma sanga ise na mambaen hamamago tu iba.

JESAYA 28:13

Hara ni i ma da umbaen na giot ajaron ni Tuhan i hamu marhite: Angkon on do angkon i, musti on do musti i, tamba on tamba i. Jana angkon tartuktuk hamu ganop mangalangka. Angkon mabugang hamu, tarjorat jana tartangkup.

JESAYA 41:11

Sapetona, sude halak na bingkas rimasna tu ho, angkon maila jana hodar; angka halak na mangalo ho, angkon songon sisoada jana ripur.

JOHANNES 18:6

Di na nidok ni Jesus tu halahi, “Au do i,” sumurut ma halahi sude gabe martinggangan tu tano i.