MASMUR 7:16 - BIBEL JAMITA NA DENGGAN

¹⁶ Hajahatan na nitahi ni rohana, tapi ia sandiri do na hona dibaensa.

MASMUR 7:16 ပူးပေါင်းရင်းမြစ်များ

1 RAJA-RAJA 2:32

Tuhan i do na manguhum ia hara ni pamunuon na nibaennia so sian pamotoan ni damang. Si Abner kapala ni tentara ni Israel dohot si Amasa kapala ni tentara ni Juda, nada marsala na dua i. Dumenggan dope halahi ulang si Joab, hape dibunu ia halahi.

1 RAJA-RAJA 21:19

jana palalu ma tusia, Au Tuhan mandok songon on, ‘Dung mamunu jolma, mangarampas dope! Jadi hara ni i dilatan ni anjing ma mudarmu di inganan ni pandilatan ni angka anjing di mudar ni si Nabot i!’ ”

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

JOB 4:8

Huboto sian alatan na mamangkur ladang hajahatan, jana na manyabur hamagoan songon same ni suan-suanan, laing na manyabi do di parmaraan dohot di hasusaan!

MASMUR 141:10

Sai halahi ma nian tinggang baenon ni joratna, anggo au malua ma kehe mangalangka.

MASMUR 35:8

Padiar ma halahi didondoni hasegoan sian na so niambang-ambang. Padiar ma alit halahi di jorat na nibaenna sandiri jana madabu lalu mago boti.

MASMUR 36:12

Ligi ma sanga di dia madabu halak na jahat, disi ma halahi julung, nada tarbaensa jongjong mulak.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 57:7

Dabu rohangki, ale Debata, dabu rohangki, marende noma au jana mamuji.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

PODA 1:19

Songon i ma parngoluon ni jolma na sai manghagioti labo na so tingkos, angkon bayaronna do i dohot hosana sandiri.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

PARJAMITA 10:8

Sanga ise manghuar lubang, muli madabu do ia tu bagasan; sanga ise na mansegoi tembok turbingon ni ulok ma ia.

1 SAMUEL 23:9

Hape na dung tarboto do tu si Daud na martahi na jahat si Saul tusia. Jadi gabe didok ia ma tu Malim Abyatar, “Oban ma efod i tuson.”

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.

1 SAMUEL 28:19

PasahatonNia ma ho dohot Israel tu halak Pilistin. Ancogot marlagut ma ho dohot angka anakmi rap dohot au; salang tentara ni Israel i pe sudena pasahaton ni Tuhan ma i tu halak Pilistin.”