MASMUR 7:15 - BIBEL JAMITA NA DENGGAN

¹⁵ Dihuar ia lubang di halak na asing, hape ia sandiri madabu tu bagasan.

MASMUR 7:15 ပူးပေါင်းရင်းမြစ်များ

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

JOB 15:35

I ma da halak na sai mangarohahon hajahatan na mandalankonsa. Tipu dohot gabus do na sai manggohi rohana.”

JOB 4:8

Huboto sian alatan na mamangkur ladang hajahatan, jana na manyabur hamagoan songon same ni suan-suanan, laing na manyabi do di parmaraan dohot di hasusaan!

JOB 6:27

Salang bagian na so marama pe laing dirohai ho, dikilang ho dohot ale-alemu anso tibu makayo ho.

MASMUR 10:2

Mardongan jungkat halak na jahat i mamparkanciti na dangol; padiar ma hara ni hajahatanna gabe halahi manaon.

MASMUR 119:85

Halak na gakgak na so patu tu TonaMu, madung manghuar lubang laho manjorat au.

MASMUR 141:10

Sai halahi ma nian tinggang baenon ni joratna, anggo au malua ma kehe mangalangka.

MASMUR 57:6

Ditaon musungku do jorgong tu au, digohi biar do rohangku. Dihuar halahi do godung di dalanku, hapengani halahi sandiri tu bagasan madabu.

MASMUR 94:13

Dipasonang Ho do ia di angka ari hasusaan, lopus madabu halak parjahat tu bagasan lubang.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

PODA 5:22

Songon tirangkap do dosa ni jolma na jahat na manjorat halakna i sandiri.

JESAYA 33:11

Marisihon duhut-duhut na mahiang ma hamu, jana ma nubuhon durame; parmurukmu songon api na mangabiskon dirimu.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

DANIEL 6:25

Dung i diparentahon raja i ma anso ditangkup angka na mangaduhon si Daniel i. Jadi rap diambungkon ma halahi dohot angka dakdanak dohot angka dadaboruna tu bagasan liang ni singa i. Nada jabat lalu dope halahi tu tandolan ni liang i, manigor disoro angka singa i ma halahi jana diropuk holi-holina i.