MASMUR 7:10 - BIBEL JAMITA NA DENGGAN

¹⁰ Debata do paronding-ondinganku, halak na denggan roha dijagohon Ia.

MASMUR 7:10 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

2 JUJUR TAON 6:30

sai tangihon ma i sian bagasan parmiananMu di banua ginjang i jana ampuni lalu urupi ma halahi. Hum Ho do na mananda isi ni roha ni jolma. Jadi hara ni i, baen ma tu ganop jolma sanga aha na patut disia,

JOB 8:6

Muda tigor do rohamu, so mardais sala, manigor tolongon ma ho tolongon ni Debata. LehenonNia ma tu ho na denggan pamalosna, jana mangulahi sonang bagasmu baenonna.

MASMUR 112:2

Markuaso ma angka dakdanakna di luat i, dipasupasu ma angka pomparan ni na burju i.

MASMUR 125:4

Ale Tuhan baen ma na denggan tu halak na burju, tu halak parroha na bulus.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 89:18

Angke madung dipili Ho ale Tuhan pangondiannami, ale na badia ni Israel, madung diangkat Ho rajanami.

PODA 11:20

Halak na marroha na jahat dihagigihon Tuhan; dihaholongi Ia do halak na mambaen na denggan.

PODA 2:21

Angke, halak na jujur do na mangingani tano, jana halak na bulus marroha do na angkon tongtong tinggal disi.

PODA 28:18

Martua do di ngoluna halak na tigor madabu do ompot halak na so tigor.

JEREMIA 11:20

Dung i martangiang ma au, “Ale Tuhan Na Markuaso, Ho do panguhum na tigor; Ho do na manguji pikiran dohot roha ni jolma. Tu Ho do Hupasahat parkarongkon; sugari nian tarbaen au ma manyaksihon balos ni angka parange ni jolma on.”

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”